Eskaerak nola egin
Deialdiak eta oinarriak
Euskara Zuzendaritza Nagusiaren 2011ko diru laguntzen deialdia eta oinarriak hemen har daitezke:
Deialdiaren aldaketa
Erne: deialdia eta oinarriak puntu zehatz batzuetan aldatu dira. Aldaketaren erabakia hemen ikus daiteke: Gipuzkoako Aldizkari Ofiziala, 15. zk., 2011ko urtarrilak 25.
Hiru alderdi aldatu dira:
- Diruz laguntzen diren proiektuak amaitu eta justifikatzeko epea 2012ko martxoaren 15era luzatzen da.
- Eskaerak aurkezteko epea ere luzatu egiten da, 2011ko otsailaren 7 arte.
- Baimendutako gastua (2.019.490,00 euro) banatu egiten da, 2011ko eta 2012 aurrekontuetan.
Eskaerak Internet bidez
Diru laguntzen eskaerak, baita berarekin batera agiri osagarriak, Internet bidez aurkeztu daitezke Gipuzkoako Foru Aldundiaren egoitza elektronikoan. Bide hau erabiltzea gomendatzen dugu.
Eskaerak paperean
Eskaera Internet bidez aurkeztu ezin duenarentzat, taula honetan 2011ko diru laguntza guztien laburpena ageri da, laguntza mota bakoitzeko eskaera orria OpenOffice eta Word formatuetan dituelarik.
2011ko diru laguntzak |
|||
|---|---|---|---|
| Gaia | Eskaerak aurkezteko epea | Eskaera OpenOffice | Eskaera Word |
| Euskarazko aldizkako argitalpenak | 2011ko otsailak 7 | eskaera orria | eskaera orria |
| Euskara sustatzeko proiektu eta jarduerak | 2011ko otsailak 7 | eskaera orria | eskaera orria |
| Euskarazko ikus-entzunezko proiektuak | 2011ko otsailak 7 | eskaera orria | eskaera orria |
| Euskaraz garatutako haur eta gazteen aisialdirako produktuak | 2011ko otsailak 7 | eskaera orria | eskaera orria |
| Euskarazko liburuak hedatu, merkaturatu eta banatzeko ekintzak | 2011ko otsailak 7 | eskaera orria | eskaera orria |
| Euskararen erabilera soziala normalizatzeko udal planak | 2011ko otsailak 7 | eskaera orria | eskaera orria |
| Itzulpen praktikak egiteko bekak | Hasi: 2011ko maiatzaren 16an Amaitu: 2011ko ekainaren 13an |
eskaera orria | eskaera orria |
| Alor sozio-ekonomikoan euskararen erabilera planak eta ikerketa proiektuak | 2011ko otsailak 7 | eskaera orria | eskaera orria |
Onuradun izaeraren aitorpena eta de minimis laguntzak
Eskaera egiteko, aitorpen dokumentu bat aurkeztu behar da, 2007ko martxoaren 27ko 3/07 Foru Arauak, Gipuzkoako Lurralde Historikoaren diru laguntzei buruzkoak, 12. artikuluan, diru laguntza baten onuradun izaera lortzeko ezarritako debekurik ez dela adieraziz.
Era berean, diru laguntza bat eskatzen dutenek aitortu behar dituzte azken hiru urteetan jaso dituzten de minimis laguntzak, Europako Batzordeak 2006ko abenduaren 15ean emandako 1998/2006 Erregelamenduaren arabera.
Argitu beharra dago orain arte, 2011ko deialdia arte, alegia, Euskara Zuzendaritza Nagusiaren diru laguntzak ez direla de minimis kalifikatuak izan.
Hona hemen dokumentu horren eredua:
Onuradun izaeraren aitorpen eredua |
||
|---|---|---|
| Gaia | Eredua OpenOffice | Eredua Word |
| Onuradun izaeraren aitorpena | eredua | eredua |
